كل سنة و انتم سجانات
15 August 2006
بعدما تم تسريب خبر أعياد الميلاد التى تقام فى البلاد ، و ان البنات تحتفل وحدها فى سكات بدون توزيع جاتوه و شربات ، قام كثير من المعتقلين النشطاء بملئ المعتقل بالبكاء ، و خرجت العديد من المظاهرات التى تندد بالبنات ، و تطالب بترحيل السجانة رحيل و كذلك تسجيل عيد ميلاد السجانة سبيل ، و ضرورة ان تكف البنات عن القساوة و منح الشباب بهذه المناسبة علاوة ، تعيد النشاط إلى معتقل بلد البنات الذى ساده الصمت و السكات ، كما تاكدنا من مصدر مضمون بحلول عيد ميلاد الانسة رون المختفية فى ظروف غامضة كما وصلنا من مصادرنا المؤكدة ، انها وقعت فى ورطة لعدم شرائها التورتة ، مما ادى لحدوث تقلبات أسرية و وضع الشمع على قرص طعمية و ذلك فى حفل ظريف تقاسموا فيه نص رغيف
كان معاكم فى هذا البيان الصادر من وراء القضبان
مسجون حقود يدعى محمود
يتمنى الافراج و يلقب بسراج
و فى النهاية نختم بإهداء بعض الكلمات لأخوتنا البنات :)
ثمانيتين باصين فى الأرض
أنا قولت يمكن من الكسوف
طلعت لى خضرة
طرح الورد
بكلام عجيب
خلانى أشوف
مفيش محال و لا مستحيل
و لا فلسفة و لا تساؤل
دى خضرة روينا سبيل
زارعه فى أيامنا التفاؤل
*
***
*****
********
*****
***
*
وسط خرافة ماليه الكون
قالوا 13 منحوس
انا جبتلكوا الانسة رون
قدامكم كدليل ملموس
على أن 13 عيد
محتاج حفلة قد الدنيا
يلا اتلموا قريب و بعيد
هانوا و باركوا آبلتى رانيا
:)
نعلن مسؤليتنا
07 July 2006
يقولون هأو
ولكن هيهات
يقولون ربما
بس على مين
نعلن نحن معتقلي معتقل البنات بمسؤليتنا الكاملة والمكتملة في الحادثين المفجعين اللذان قامت بهما الرفيقة شيماء
ولولا ان السيدة الفاضلة والدتها كانت معاها ماكناش عارفين هانعمل ايه
مبدأيا كدة
احمد السعيد هو اللي خرم العجلتين
الاسطى حمدي هو اللي زنق عليها بالعربية
وتامر فتحي كان متنكر في دور سواق الاسعاف
وتقريبا المريضة كانت فوزية خدناها رهينة عشان ل العملية فشلت ندبحها وناكلها على العشا
اه
وانا اللي زحمت فيصل
عشان كدة اتأخرت عقبال ماجيت لكو عند كوستا وكنت بحاول اعطلها عشان الزحمة تشتد
وهكذا يا اخواني فان اي واحدة من الرفقيات تمتنع عن التغاضي عن تهريب الممنوعات الى المعتقل هايكون مصيرها زي الرفيقة شيماء كدة بالظبط
ونحن سنحارب الارهاب النفسي والعسكري في كل بقاع المعمورة وخاصة شارع فيصل وشارع شريف وشارع المنيل وهانهد كل فروع كوستا وسلينترو
محدثكم من ادغال العمرانية
ياسر بن مجدي
يا أم الـــــــريــــــش
05 June 2006
ام الريش ان شا الله تعيش
بهدوم ديرتى و شعر كنيش
أول واحدة معانا فوزية
فاردة قلوعها و مستقوية
شريرة و دماغها كبيرة
كل شوية و لها فوكيرة
تطلع فى دماغها كالعادة
و بتخلص برضه على مفيش
ام الريش ان شا الله تعيش
بهدوم ديرتى و شعر كنيش
رانيا و يقال اسمها رون
ليلى و لكن مين مجنون !
عفريته و بحورها غويطة
صوتها نشاز و تموت فى الزيطة
طايحة تدوس فى ضروس الناس
فاكراها بندق و ياميش
ام الريش ان شا الله تعيش
بهدوم ديرتى و شعر كنيش
شيمو مهندسة قد الدنيا
لكن لاسعه فى سكك تانية
فوق رقبتها فيه قلقاسة
مطبوخة معارضة و سياسة
ندر علىّ يوم تروحى
راح أجيلك بحلاوة و عيش
ام الريش ان شا الله تعيش
بهدوم ديرتى و شعر كنيش
شكر خاص لمحمـــــــــــــــــــود
فـرصـة لـن تتكرر
04 June 2006
سـيـبـِـك إنـتـي ده مــا فـيـش غـيـري
قـيـمـة و مـركـز و وظـيـفـة مـيـري
عاوزين إيه أكتر من كدة ؟
شاب وســــيــــــــــم .. باش مهندس قد الدنيا
ضابط في القوات المتسلّحة
عنده بلوج بسم الله ما شاء الله و تلات إيميلات إتنين ع الياهوو و واحد ع الهوت ميل
فيه أحسن من كدة ؟
تبرعوا و لو بعروسة
...
للمخابرة .. إضغطي على لينك الكوممنتس
خمسة فرفشة
25 May 2006
نجح أحمد السعيد فى تهريب بعض الممنوعات للمعتقل
فرفشوا يا شباب و إتفرجوا على نعمة ربنا
دى ليك يا تامر
و دى لرامى
دى لحسام
و دى ليا
و دى لينا كلنا , و للبنات بالمرة
و دى لياسر باشا
و أخيرا , كلمة للإنتاج المحلى .....
اللهم إنا لا نسألك رد القضاء, و لكنا نسألك اللطف فيه
فرفشوا يا شباب و إتفرجوا على نعمة ربنا
دى ليك يا تامر
و دى لرامى
دى لحسام
و دى ليا
و دى لينا كلنا , و للبنات بالمرة
و دى لياسر باشا
و أخيرا , كلمة للإنتاج المحلى .....
اللهم إنا لا نسألك رد القضاء, و لكنا نسألك اللطف فيه
تعذيب رقم (1): معتقل الانتظار
08 May 2006
تخيل انك جالس في الزنزانة وحيدا..
والظلام حالك بحيث لا ترى كوب الشوكولاتة الساخن..
وجهاز التليفاز عالي بحيث لا يمكنك تغيير القنوات الا بالريموت القابع في شنطة احد البنات الغير معروف هويتها..
لاتسمع ولاترى الا اصوات سلاحف النينجا تحارب شريدر وتصمت اما حكمة المعلم سبلنتر ويتبعهم يوجي وهو يحارب الاشرار عن طريق كروت ورق !!!....
تنتظر في كل يوم ان يطبقوا عليك اي حكم...اي شئ..
ترشف من كوب الشوكولاتة الذي لا ينتهي وربما تتمنى ان يتحول الى كوب نسكافيه او- قهوة زيادة لو كنت تامر- ثم تسمع ازيز احد الغرف بجانبك من المعتقلين الزملاء..
سيأخذونه ليفعلو شيئا ما به ربما يعدموه-والاعدام هنا متنوع بعض الشئ فربما يتم تزغيطك بسكوت حتى الموت او او تغريقك في اناء من حليب نيدو تنمو معه الاطفال اجعلك تفتح عنوة احدى علب شوكولاتة كيندر سربرايز مفاجات عشان تتخض وتموت من الخضة-
تحقد سرا على على زميلك الذي ربما يكون احد الذين عاشرتهم على قهوة منه فيه او قهوة الجزيرة -يوم لما البوليس السياسي لمكو كلكو مرة واحدة من هناك ورماكو في المعتقل دة-
ثم..
ترشف رشفة اخرى من كوب الشوكولاتة وتعاود متابعة يوجي وهو ينتصر على ميريك في لعبة الاوراق ويتبعها حلقات بات مان كل هذا تتابعوه على ام بي ثري في فقرة تشويق بلا حدود ..
